10:08 13-06-2016
news_image
594
TOP OYUNLARI

Sloveniya Azərbaycan millisinin yolu ilə getdi

Qadın voleybolçular arasında Avropa Liqasının yarımfinal mərhələsinə yüksələn daha bir yığmanın adı dəqiqləşib. Apasport.az saytının məlumatına görə, qrup lideri kimi mərhələ adlayan Azərbaycan millisinə Sloveniya da qoşulub.

 

Onlar C qrupunu lider kimi başa vurmaqla bu hüquqa yiyələniblər. Aktivində 18 xalı olan sloveniyalılar ən yaxın izləyiciləri Yunanıstanı 6 xal qabaqlayıblar.

 

Digər 2 yarımfinalçı isə A qrupunun oyunları başa çatdıqdan sonra dəqiqləşəcək. Burada ilk dövrədən sonra Slovakiya 8 xalla 1-ci, ondan 2 xal geri qalan Polşa ikincidi. 3-cü pillədə qərarlaşan Belarus 3 xala malik olduğu halda, son yerdə gedən Albaniya 1 xala sevinib. Komandalar arasında növbəti oyunlar iyunun 17-19-da olacaq.

 

Bundan sonra A qrupunun lideri birbaşa mərhələ adlayacaq və ən yaxşı ikinci yerlər arasında seçim ediləcək. Azərbaycan yığmasının qrupunda 6 xalla bu yeri tutan İspaniyanın yarımfinal yüksəlməyəcəyini nəzərə alsaq, əsas mübarizənin digər qruplarda gedəcəyini söyləmək olar.

 

Qeyd edək ki, yarımfinal mərhələsi iyunun 30-da keçiriləcək.