22:36 12-11-2016
news_image
549
TOP OYUNLARI

26 qol üçün 8 oyunçu

Bu gün qadın həndbolçular arasında “Çelenc Cup”ın III təsnifat mərhələsinə start verilib. Apasport.az saytının məlumatına görə, yarışda Azərbaycanı təmsil edən ABU Bakıda Belçika çempionatının gümüş medalçısı “Femina Vize” ilə üz-üzə gəlib.

 

Görüş təmsilçimizin 26:16 hesablı qələbəsi ilə yekunlaşıb.

 

Komandamızın heyətində 8 oyunçu qol sevinci yaşayıb. ABU-nun və ümumilikdə oyunun ən çox qol vuran həndbolçusu Marta Abbasova olub. O, rəqib qapıçını 6 dəfə məyus edib.

 

Günel Əliyeva, İranə Qasımova və Yana Qornak hərəyə 4 dəfə, Anastasia Metelska 3, Anna Həmidova və İnara Yusibova hərəyə 2, Oksana Orexova isə bir dəfə fərqlənməyə imkan tapıb.

 

Rəqibin heyətində isə ən çox qolu Sesil Buxard vurub. O, qapıçımızı 5 dəfə məyus edib.