12:13 22-02-2017
news_image
2345
DÖYÜŞ NÖVLƏRİ

Mariya Stadnik kazinoda neçə dollar qazanıb?

“Las-Veqasda dünya çempionatında olarkən, orda çoxsaylı kazino gördüm. Demək olar ki, hər oteldə ruletka, avtomat və kart oyunları var. Özü də bunu təkcə kişilər deyil, qadınlar da oynayır”. Apasport.az saytının məlumatına görə, bunu belaruslu güləşçi Mariya Mamoşuk açıqlayıb.

 

Rio Olimpiadasında gümüş medal qazanan idmançı vətənində verdiyi müsahibədə həmkarlarının qumara meylli olmasından danışıb.

Maraqlıdı ki, Mamoşuk pəhləvanlar arasında yalnız yığmamız tanınmış güləşçisi Mariya Stadnikin adını açıqlayıb: “Las-Veqasda belə bir səhnənin şahidi oldum ki, əsa ilə gəzən qoca da ağzında siqaret avtomatın düymələrini döyəcləyirdi. Həmin vaxt əksər güləşçilər kazinoda oynayırdı. Azərbaycandan olan tanışım Mariya Stadnik 300 və ya 400 dollar udmağı da bacardı. Mən də bəxtimi sınadım. Rusletka və avtomatda oynadım, amma bəxtim gətirmədi. 15 dollar uduzub, oranı tərk etdim. Bu da bəsim idi”.

 

Qeyd edək ki, Las-Veqas-2015-də Mariya Stadnik finalda uduzmuşdu.