11:36 16-06-2018
news_image

Hafiz Hacıyev cüdo yığmamıza medal qazandırdı

Qlazqoda usta cüdoçular arasında Avropa çempionatı keçirilir. Apasport.az saytının məlumatına görə, yarışın ilk 2 günü Azərbaycan yığması üçün uğurlu alınıb.

 

Belə ki, veteran cüdoçularımızdan 8-i fəxri kürsüyə qalxıb. Onlardan Fərhad Rəcəbli (90 kq) növbəti dəfə Avropa çempionu tituluna yiyələnib. Digər təmsilçilərimizdən Babək Hacıyev (60 kq), Vüqar Budaqov (73 kq), Rüfət İsmayılov (81 kq), Azər Əsgərov, Yaman Fətiyev, Hafiz Hacıyev ( hər üçü 100 kq) və Məhəmməd Müslimzadə (+100 kq) müxtəlif yaş qruplarında 3-cü yeri tutublar.

 

Qeyd edək ki, komandamız səfərə 37 cüdoçu ilə yollanıb. Sabah başa çatacaq Avropa çempionatına isə 35 ölkənin 1191 cüdoçusu qatılıb.