10:57 15-06-2008
news_image
965
STOLÜSTÜ OYUNLAR

Azərbaycan şahmatçısı Günay Məmmədzadə Avropa çempionu olub

Qızların yarışında iştirak edən iki şahmatçımızdan biri Günay Məmmədzadə 9 oyundan 8 xal toplamaqla Avropa çempionu adını qazanıb. Təmsilçimiz yalnız əlavə göstəricilərə görə eyni miqdarda xal toplayan gürcüstanlı Nino Jalaqoniyanı qabaqlayıb. 17 iştirakçı arasında olan digər təmsilçimiz Xanım Balacayeva 6 xal toplayaraq 5-ci yerin sahibi olub. Oğlanların yarışında ən yaxşı nəticə göstərən şahmatçımız Şəmşəd Axundov 36 iştirakçı arasında 4-cü olub. O, 9 oyundan 5,5 xal toplamaqla çempiona adını qazanan türkiyəli Temizkan Denizcandan 1,5 xal geri qalıb. Digər iki təmsilçimiz isə çempionatı 5 xalla bitirib. Əlavə göstəricilərə görə Çingiz Məhərrəmli 6-cı, Abdulla Qədimli isə 12-ci yeri tutub.