13:26 05-12-2019
news_image
243
DİGƏR NÖVLƏR

Şumaxerin “Ferrari”si 6,6 milyon dollara satıldı

Əfsanəvi pilot Mixael Şumaxer 2002-ci ildə “Formula-1”in çempionu olduğu “Ferrari F2002” satılıb.

Apasport.az saytının məlumatına görə, almaniyalıya 5-ci çempionluq qazandıran avtomobil Birləşmiş Ərəb Əmirliklərinin paytaxtı Əbu-Dabidə keçirilən auksionda yeni sahibini tapıb.

Mövsümün 17 yürüşündən 11-də qalib gələn M.Şumaxer bunların üçündə - San-Marino, Avstriya və Fransa Qran-Prilərində məhz bu bolidi idarə edib. Avtomobil 6,6 milyon dollara satılıb.

Qeyd edək ki, 50 yaşlı M.Şumaxer “Formula-1”in yeddiqat çempionudur. 1994 və 1995-ci illərdə “Benetton”la qalib olan pilot 2000-2004-cü illərdə “Ferrari” ilə ardıcıl 5 uğur qazanıb.