11:10 20-06-2008
news_image
623
STOLÜSTÜ OYUNLAR

İlahə Qədimova mükafat fondu 450 min dollar olan yarışda mübarizə aparacaq

Bakı. Kənan Həsənov - APA-Sport. Beynəlxalq Şahmat Federasiyası (FİDE) avqustun 19-da Rusiyanın Nalçik şəhərində start götürəcək qadınlar arasında dünya çempionatının iştirakçılarının siyahısını açıqlayıb. “APA-Sport” agentliyinin məlumatına görə, olimpiya sistemi üzrə keçiriləcək yarışda 64 iti zəka sahibi mübarizə aparacaq. İştirakçılar arasında Azərbaycan milli komandasının lideri İlahə Qədimova da yer alıb. Həmyerlimiz bu hüququ 2006-cı ildə təşkil olunan Avropa çempionatında əldə edib. Sentyabrın 18-də başa çatacaq dünya birinciliyinin mükafat fondu 450000 ABŞ dolları həcmində müəyyənləşdirilib.