23:07 24-01-2020
news_image
137
STOLÜSTÜ OYUNLAR

Dünya çempionu titulunu qorudu

Qadın şahmatçıların dünya çempionu adı uğrunda matçı başa çatıb.

Apasport.az saytının məlumatına görə, çinli Ju Venjun titulunu qorumağa nail olub.

28 yaşlı asiyalı şahmat tacı uğrunda qarşılaşmada rusiyalı Aleksandra Qoryaçkina ilə görüşüb. 12 partiyadan ibarət dueldə qalib müəyyənləşməyib – 6:6.

Çempionun adına tay-brekdə aydınlıq gəlib. Daha təcrübəli çinli 21 yaşlı rəqibinin müqavimətini qıraraq qalib gəlib – 2,5:1,5.

Qeyd edək ki, 2018-ci ildən planetin ən güclüsü adını daşıyan Ju Venjun növbəti dəfə titulunu 2022-ci ildə qorumalı olacaq.