21:53 25-01-2020
news_image
55
FUTBOL

“Çatışmayan cəhətlər çoxdur” – Samir Əliyev

"Bu il milli səviyyəsində ilk oyunumuzu keçirdik. Sevindirici haldır ki, qarşılaşmanı qol buraxmadan qələbə ilə başa vurduq”.

Apasport.az saytının məlumatına görə, bunu 19 yaşadək futbolçulardan ibarət Azərbaycan milli komandasının baş məşqçisi Samir Əliyev deyib.

O, Türkiyənin Antalya şəhərindəki təlim-məşq toplanışı çərçivəsində Şimali Makedoniyanın müvafiq yaş qrupuna aid yığmasına qarşı keçirilən oyun barədə fikirlərini açıqlayıb: “Yetərincə də qol vəziyyətlərimiz oldu. Təəssüf ki, onlardan lazımınca istifadə edə bilmədik. Vacib olan qələbə qazanmağımızdır. İlk hissədə yaxşı oynasaq da, fasilədən sonra futbolçularda bir az yorğunluq var idi. Bununla belə, hər bir futbolçu özünü yaxşı tərəfdən göstərdi. Bir neçə oyunçudan razı qalsaq da, bəziləri hələ də öz üzərində işləməlidir. Komandanın çatışmayan cəhətləri çoxdur. Heyət tam formalaşmayıb. Amma yetərincə vaxtımız var. Əzmlə, istəklə çalışacağıq. Belə davam etsələr, istədiyimiz komandanı qura bilərik".

Qeyd edək ki, millimiz balkanlılar üzərində 2:0 hesablı qələbə qazanıb.