13:34 11-02-2020
news_image
1049
FUTBOL

AFFA Abdullah Avcı ilə görüşdü – yığma üçün

Türkiyəli mütəxəssis Abdullah Avcının Azərbaycan millisinə baş məşqçi təyin olunmaq ehtimalı artıb.

Apasport.az saytının məlumatına görə, Azərbaycan Futbol Federasiyaları Assosiasiyası (AFFA) nümayəndələri “Beşiktaş”ın sabiq çalışdırıcısı ilə dünən bir araya gəlib.

AFFA rəsmiləri 57 yaşlı məşqçini yığmamızın “sükanı arxası”na gətirməkdə israrlı olduqlarını ona çatdırıblar. Lakin Avcı onların təklifinə konkret cavab verməyib. O, yaxın günlərdə qərarını açıqlayacağını deyib.

Qeyd edək ki, millimizə namizədlər arasında göstərilən Oleq Kononov və Luici di Byaco başqa komandalarla müqavilə bağlayıblar.