15:02 11-02-2020
news_image
85
TOP OYUNLARI

“Milan”ın avrokubokdakı oyunu azərbaycanlı referiyə tapşırıldı

Avropa Voleybol Konfederasiyası beynəlxalq dərəcəli hakim Zaur Hacıyevə növbəti təyinat göndərib. 

Apasport.az saytının məlumatına görə, təmsilçimiz bu dəfə kişi voleybolçular arasında keçirilən “Çelenc Kap”ın 1/8 final mərhələsində iş başında olacaq. 

O, “Milan” (İtaliya) ilə “Mladost” (Xorvatiya) arasında cavab görüşündə baş hakim funksiyasını yerinə yetirəcək. Fevralın 13-də Milanda baş tutacaq oyunda köməkçi referi isə ispaniyalı Fernando Benites olacaq.

Qeyd edək ki, bu komandaların ilk qarşılaşmasında italyanlar 3:0 hesabı ilə qalib gəliblər.