11:56 26-06-2008
news_image
507
DİGƏR NÖVLƏR

Azərbaycan boksçusu erməni rəqibini məğlub edərək Avropa çempionatının yarımfinalına yüksəlib

İyunun 25-də baş tutan ¼ final görüşlərindən sonra daha iki boksçumuz minimum bürünc medalı təmin edib.
52 kq çəki dərəcəsində döyüşən Elvin İsayev prinsipial qarşılaşmada ermənistanlı Aram Papoyanı 15:4 hesabı ilə məğlub edib. Teymur Məmmədovun (75 kq) ukraynalı Anatoli Fişiçlə görüşü heç-heçə (13:13) başa çatsa da, hakimlər qələbəni həmyerlimizə verib. Turnirin ¼ finalına yüksələn boksçularımızdan yalnız Anar Əliyev məğlubiyyətlə barışıb. Təmsilçimiz rusiyalı Oleq Akuninə 9:15 hesabı ilə uduzub. Bundan öncə isə sabah baş tutacaq yarımfinalda döyüşmək hüququnu Rasim Məmmədovun rəhbərlik etdiyi komandamızın üzvlərindən Salman Əlizadə (46 kq), Elnur Zeynalov (48 kq), Fərid Mansurov (54 kq) və Tamerlan Abdullayev (57 kq) qazanıb.
Avropa çempionatına iyunun 28-də keçiriləcək final döyüşləri ilə yekun vurulacaq.