12:54 27-02-2020
news_image
509
FUTBOL

"İdmançılarımıza koronavirusla əlaqədar heç bir məhdudiyyət qoymamışıq" - Azad Rəhimov

"Hazırda idmançılarımıza koronavirusla əlaqədar hər hansı yarışda iştirakla bağlı heç bir məhdudiyyət qoymamışıq".

APA-nın məlumatına görə, bunu jurnalistlərə açıqlamasında Gənclər və İdman naziri Azad Rəhimov deyib.

O, koronavirus təhlükəsi görülən ölkələrlə bağlı federasiyalarla birlikdə qərar qəbul etdiklərini bildirib: "Bu gün bəzi ölkələr bu cür məhdudiyyətlər qoyurlar. Buna misal olaraq, İtaliyanı göstərmək olar. Hazırda İtaliyada bütün yarışlar ləğv olunub". 

Nazir bu gün mövcud olan vəziyyətlə tanış olmağa və idmançıları qorumağa çalışdıqlarını vurğulayıb: "Beş aydan sonra Tokio-2020 Yay Olimpiya Oyunları keçiriləcək. Əsas məqsədimiz idmançıları bu yarışlar üçün qorumaqdır".