11:17 01-07-2008
news_image
535
STOLÜSTÜ OYUNLAR

Nicat Abbasov İspaniyada keçirilən turnirdə üçüncü qələbəsini qazanıb

Bakı. Kənan Həsənov - APA-Sport. İspaniyanın Montkada şəhərində təşkil olunan beynəlxalq şahmat turnirində VI turun oyunları keçirilib. “APA-Sport” agentliyinin məlumatına görə, yarışdakı yeganə təmsilçimiz Nicat Abbasov hesabat turunu qələbə ilə başa vurub. Həmyerlimiz ağ fiqurlarla ispaniyalı Alexandro Barberonu məğlub edib. Bu qələbə sayəsində 10 pillə irəliləyərək 22-ci sıraya yüksələn N.Abbasov (3,5 xal) növbəti görüşünü digər ispaniyalı İpolit Qaraqatali Asisə qarşı keçirəcək. 58 şahmatçının qatıldığı turnirə 5,5 xalla kubalı Yuri Vidal Qonsalez başçılıq edir.