14:06 07-04-2020
news_image
704
FUTBOL

Ronaldo ilə bağlı qərar verildi - qayıtmayacaq

"Yuventus"un hücumçusu Kriştianu Ronaldo "Real"a dönməyəcək.

Apasport.az saytının məlumatına görə, Madrid təmsilçisi portuqaliyalı superulduzu geri qaytarmaq fikrində deyil.

"Yuventus" koronavirus pandemiyası ilə bağlı yaranmış maliyyə problemini həll etmək üçün Ronaldonu satmağın əleyhinə olmasa da, "kral klubu" onun xidmətində maraqlı deyil. 35 yaşlı forvard 2018-ci ildə Turin təmsilçisinə məhz "Real"dan keçib və müqavilə müddəti 2022-ci ilin yayına qədərdir.

Qeyd edək ki, Kriştianu Ronaldo cari mövsüm meydana çıxdığı 31 oyunda 25 qol vurub.