14:06 08-04-2020
news_image
151
DİGƏR NÖVLƏR

Çempionlar Liqası nümunəsi - “Formula-1” üçün

“Formula-1” üzrə Niderland Qran-Prisinin rəhbəri Yan Lammers yarışla bağlı təklif irəli sürüb.

Apasport.az saytının məlumatına görə, o, yarışdakı həftəsonu ənənəsini dəyişməyi məqsədəuyğun sayır.

Lammers yarışların həftənin çərşənbə günləri keçirilməsinin tərəfdarı kimi çıxış edib. O, bunu futboldakı Çempionlar Liqasına bənzədib: “Niyə Qran-Pri çərşənbə axşamı və ya çərşənbə keçirilə bilməz? Futbol üzrə Çempionlar Liqasında belədir. Yarışların bazar günü gündüz saatlarında keçirilməsi mütləq olmamalıdır. Onları həftəiçi keçirmək, formatı sadələşdirmək lazımdır. Bu, təşkilatçı ölkələrin də işini asanlaşdırar”.

Lammers koronavirusun “Formula-1”ə təsirindən də danışıb: “Koronavirusla bağlı vəziyyət “Formula-1” böyük təsir göstərir. Böhran şəraitində biz hamımız üç addım geri düşə bilərik. Lakin düzgün dərs çıxarsaq, irəli addım ata bilərik. Bunda təkcə çatışmazlıqlar deyil”.