22:54 14-04-2020
news_image
83
FUTBOL

Bundesliqa mövsümlə bağlı qərar veriləcək tədbiri təxirə saldı

Bundesliqa rəhbərliyi 36 klubun iştirakı ilə keçirilməli olan Assambleyanı təxirə salıb.

Apasport.az saytının məlumatına görə, çempionatın bərpası ilə bağlı qərarın verilməli olduğu tədbir aprelin 17-də baş tutmayacaq.

Assambleya 6 gün sonraya ayın 23-nə planlaşdırılıb. Bu onunla bağlıdır ki, qarşıdakı bir həftə ərzində Almaniya hökuməti koronavirus pandemiyası ilə mübarizədə növbəti tədbirləri açıqlamalıdır.

Buna görə də Bundesliqa çempionatı mayın 1-də bərpa etməklə bağlı qərarı qəbul etmək üçün tələsməyib. Çünki karantin müddəti aprelin 30-dan sonraya uzadılsa, çempionatla bağlı qərar məntiqsiz olacaq.

Qeyd edək ki, Bundesliqa klubları aprelin 6-dan məşqləri bərpa edib.