22:23 03-05-2020
news_image
424
FUTBOL

UEFA AFFA və PFL-ə tövsiyə məktubu hazırlayır

FİFA-nın ardınca UEFA da “yaz-payız” sisteminə keçirilməsini tövsiyə edəcək.

Apasport.az saytının xarici mətbuata istinadən məlumatına görə, qurum bununla bağlı bütün milli assosiasiyalar və liqalara tövsiyə məktubu göndərəcək.

Mayın 15-də göndərilməsi planlaşdırılan sənəd AFFA və Azərbaycan Peşəkar Futbol Liqasına da ünvanlanacaq. UEFA bütün daxili yarışların “payız-yaz” sistemindən “yaz-payız”a keçməsini məsləhət görəcək.

Qitə futbol qurumu koronavirus pandemiyası üzündən yarımçıq dayandırılan 2019/20 mövsümünün başa çatması üçün belə addımı məqsədəuyğun sayır. UEFA mövsümü avqust-noyabrda bitməsini, yeni futbol ilinin martda başlamasını istəyir.