09:32 05-05-2020
news_image
145
FUTBOL

Renat Dadaşov üçün mənfi təsir

Azərbaycan millisinin hücumçusu Renat Dadaşovun formasını geyindiyi “Vulverhempton” yeni hücumçu transferinə hazırlaşır.

Apasport.az saytının məlumatına görə, Premyer Liqa təmsilçisi “Brügge”nin forvardı Emmanuel Dennisə elçi düşüb.

Klub rəhbərliyi “Arsenal” və “Nyukasl”ın da maraq dairəsində olan Nigeriya millisinin üzvü üçün mövsümün sonunda 25 milyon avro ödəməyə hazırdır. Britaniya mətbuatı bu transferin komandadakı iki futbolçunun inkişafına mənfi təsir edəcəyini vurğulayıb.

Onlardan biri də Renat Dadaşovdur: “Leonard Kampanya və Renat Dadaşov U-23 komandasında yaxşı təsir bağışlayırlar və yayda baş məşqçi Nunu Espirito tərəfindən əsas kollektivə qoşulmağı gözləyirlər. Kampanya və Dadaşov hələ əsas komandada debüt etməyiblər. Lakin inkişafdadırlar və gələn mövsüm birinci kollektivlə olacaqlarını düşünürlər. Ancaq “qurdlar” Dennisi transfer etsə, bu iki gəncin ümidini öldürəcək. Emmanuelin 22 yaşı olsa da, əsas komanda üçün nəzərdə tutulub”.

Qeyd edək ki, “Vulverhempton”a ötən ilin yayında “Eştoril”dən keçən Renat Dadaşov İngiltərə klubu ilə uzunmüddətli müqavilə imzalayıb.