09:24 07-05-2020
news_image
211
FUTBOL

“Milan”a qayıdacaq – “Qarabağ”ın istədiyi qapıçı

“Milan”ın qapıçısı Asmir Beqoviç müqaviləsinə sadiq qalacaq.

Apasport.az saytının məlumatına görə, icarə əsasında “rossonyerlər”in formasını geyinən veteran qolkiper sözləşməsinin gələn ay başa çatacağına baxmayaraq, mövsümün sonuna qədər komandanı tərk etməyəcək.

Cari mövsümün ilk yarısını “Qarabağ”da keçirən və müqavilə ilə “Bornmut”a məxsus olan Bosniya və Herseqovina millisinin üzvü İngiltərə klubuna dönməyə tələsmir: “Futbol üçün çox darıxmışam. “Milan”la mövsümün başa vuracağam. Bunun üçün isə heç bir şərt qoymayacağam”.

Koronavirus pandemiyası səbəbindən dayandırılan A seriyasının iyunda bərpası planlaşdırılır. Yerli hökumət klublara mayın 18-dən sonra məşqlərə başlamaq icazəsi verib.

Qeyd edək ki, “Qarabağ” mövsümün sonunda Beqoviçi yenidən icarəyə götürmək niyyətindədir.