14:02 26-05-2020
news_image
52
FUTBOL

Premyer Liqa ilə bağlı araşdırma - zədələnmə riski 25 faiz çoxdur

Koronavirus pandemiyası səbəbindən dayandırılan İngiltərə Premyer Liqasının bərpası ilə bağlı tibbi araşdırma aparılıb.

Apasport.az saytının məlumatına görə, futbolçuların zədələnmə riskinin əvvəlkindən çox olduğu müəyyənləşib.

Oyunçuların 2 aydan çox məşqdən kənarda qaldığını nəzərə alan alimlər onların bərpadan sonrakı məşq zamanı göstəricilərini təhlil ediblər. Bildirilib ki, 30 gün ərzində 5 yox, 8 oyun keçirmələri oyunçuların zədələnmə riskini 25 faiz artıracaq. Həmçinin psixoloqlar mövsümün qalan hissəsində futbolçuların konsentrasiyasında 15 faiz çatışmazlıq olacağını açıqlayıblar.

Qeyd edək ki, İngiltərə Premyer Liqasının iyunun 19-da bərpa olunması planlaşdırılır.