12:08 29-05-2020
news_image

“Sekslə o qədər çox məşğul olurdum ki, məşq edə bilmirdim” - Mayk Tayson

“Hər gün sekslə o qədər çox məşğul olurdum ki, yorğunluqdan idman zalına da gedə, məşq edə bilmirdim”.

Apasport.az saytının məlumatına görə, əfsanəvi boksçu Mayk Tayson deyib.

Ağır çəkidə sabiq dünya çempionu olan ABŞ təmsilçisi şəxsi həyatı ilə bağlı açıqlama verib. O bildirib ki, seksə bağlılığından heç vaxt əl çəkməyib.

Yenidən rinqə qayıtmaq niyyətində olan 53 yaşlı veteran İndianapolis həbsxanasına düşməzdən öncə gündə 15 qadınla cinsi əlaqədə olduğunu açıqlayıb. 1992-95-ci illərdə həbsdə olduğu zamanda kral kimi yaşadığını bildirən Tayson orada da adətindən əl çəkməyib. Narkotik üzrə məsləhətçi xanımla macəra yaşayan boksçu yanına xeyli sayda qızlar da gətizdirib: “O qədər sekslə məşğul olurdum ki, yorğunluqdan saatlarla öz kameramda yataqda uzanıb qalırdım. İndiki yaşımda artıq eyni gündə o qədər sayda qadınla yata bilmərəm. Amma buna baxmayaraq, yenə də yaxşı durumdayam. Bütün günü qadınlarla keçirmək, sekslə məşğul olmaq bu yaşda əvvəlki kimi şən deyil”.

Qeyd edək ki, “Dəmir Mayk” ləqəbi ilə tanınan Tayson 1987-90-cı illərdə mütləq dünya çempionu titulunun sahibi olub.  O, WBC (1986—1990, 1996), WBA (1987—1990, 1996), IBF (1987—1990) və “The Ring” (1988—1990) versiyalarında planetin ən yaxşısı sayılıb.