12:42 05-06-2020
news_image
240
DİGƏR NÖVLƏR

Azərbaycanın da iştirak edəcəyi Birlik Ölkələri Oyunlarının vaxtı dəyişdirildi

Rusiyanın Kazan şəhərində keçiriləcək Birlik Ölkələri Oyunlarının vaxtı dəyişdirilib.

Apasport.az xəbər verir ki, bu barədə məlumatı Rusiyanın idman naziri Oleq Matıtsin verib.

O, ölkəsinin mətbuatına açıqlamasında bu addımı koronavirus pandemiyası səbəbindən atdıqlarını deyib. Matıtsinin sözlərinə görə, avqustda baş tutmalı olan multiidman yarışı bir ay sonraya ertələnib: “Yarışı sentyabrın əvvəlində keçirməyi planlaşdırırıq”.

Qeyd edək ki, Azərbaycan, Belarus, Ermənistan, Qazaxıstan, Qırğızıstan, Rusiya, Moldova, Tacikistan, Türkmənistan, Özbəkistan və Ukraynanın razılıq verdiyi yeni turnir avqustun 20-27-də keçirilməli idi. Yarışda 21 idman növü üzrə 280 dəst medal uğrunda 11 ölkədən 2500 idmançının iştirakı planlaşdırılır.