12:13 30-06-2020
news_image
286
FUTBOL

"Betis"ə qayıdır - "Barselona"nın baş məşqçisi

"Barselona"nın baş məşqçisi Kike Setyen Kataloniya klubundan ayrıldıqdan sonra işsiz qalmayacaq.

Apasport.az saytının məlumatına görə, "Betis" klubu sabiq çalışdırıcının xidmətində maraqlıdır.

"Barselona" mövsümü titulsuz başa vursa, rəhbərlik 61 yaşlı mütəxəssisi istefaya göndərəcək. Əgər bu baş verərsə, "Betis" yenidən Setyenə həvalə ediləcək. Ötən həftə Rubini postundan uzaqlaşdıran əndəlüs klubu müvəqqəti olaraq mövsümün sonuna qədər Aleksis Truxiloya tapşırılıb. "Betis"in baş məşqçi postuna digər namizədlər Manuel Pelleqrini, Marselino Qarsiya Toral və Xavi Qarsiyadır.

Qeyd edək ki, Kike Setyen "Betis"də keçirdiyi iki mövsümün ardından ötən ilin yayında komandadan ayrılıb və yanvarda "Barselona"nın baş məşqçisi təyin olunub.