10:57 07-07-2020
news_image
374
FUTBOL

"Onun "Qarabağ"a keçidi baş tutmayacaq" - menecer

Türkiyənin III liqa təmsilçisi “1928 Bucaspor”un vingeri Oğuz Aydının "Qarabağ"a transferi reallaşmayacaq.

Apasport.az saytının məlumatına görə, bunu 20 yaşlı futbolçunun meneceri Gökhan Tabakcıoğlu deyib.

Agent bildirib ki, bir müddət əvvəl "Qarabağ" və "Astana"nın maraq dairəsində olan Oğuz Aydının keçidi ilə bağlı heç bir irəliləyiş olmayıb: "Hesab edirəm ki, Oğuzun bu klublara keçidi baş tutmayacaq. Görünən odur ki, onlar oyunçu ilə o qədər də ciddi maraqlanmırlar".

Qeyd edək ki, Oğuz Aydın Türkiyənin 19 yaşadək futbolçulardan ibarət yığmasında çıxış edib.