00:07 09-07-2020
news_image
119
FUTBOL

Türkiyə millisi bu şəhərdə oynayacaq - ilk dəfə

Türkiyə yığmasının Millətlər Liqasının 2020/21 mövsümündəki ilk oyununun məkanı müəyyənləşib.

Apasport.az saytının məlumatına görə, B liqasının 3-cü qrupunda yer alan "ay-ulduzlular" sentyabrın 3-də Macarıstanı qəbul edəcək.

Türkiyə Futbol Federasiyasının qərarına əsasən, qarşılaşma Sivasdakı yeni "4 Sentyabr" stadionunda baş tutacaq. Bununla Türkiyə yığması ilk dəfə Sivasda rəsmi oyun keçirmiş olacaq.

Qeyd edək ki, Şenol Günəşin yetirmələri 3-cü qrupda Macarıstan, Rusiya və Serbiya ilə mübarizə aparacaq.