10:26 27-07-2020
news_image
205
FUTBOL

Yubileyini qeyd edir – “Neftçi”nin əfsanəsi

Azərbaycan futbolunun veteranı Əsgər Abdullayev yubileyini qeyd edir.

Apasport.az saytının məlumatına görə, futbolçu karyerası boyunca yalnız “Neftçi”nin şərəfini qorumuş sabiq müdafiəçinin 60 yaşı tamam olur.

O, 1979-1994-cü illərdə şərəfini qoruduğu “ağ-qaralar”la Azərbaycan çempionu adını qazanıb. Sonradan məşqçi kimi fəaliyyət göstərən mütəxəssis “Şəfa”, “Bakı”, “Olimpik-Şüvəlan”, “Turan”, “Araz Naxçıvan”, “Neftçi” və “Turan-Tovuz” klublarının, həmçinin Azərbaycanın əsas və aşağı yaş qrupları üzrə yığmalarının baş məşqçisi olub.

Qeyd edək ki, Abdullayev federasiya kuboku və keçid turniri nəzərə alınmaqla əfsanəsi olduğu “Neftçi”nin tarixində ən çox oyun keçirən futbolçudur. Onun hesabında 418 matç var.