09:28 30-07-2020
news_image
2480
FUTBOL

5 qat ölkə çempionu - “Sumqayıt” üçün

Avropa Liqasının I təsnifat mərhələsində iştirak edəcək daha bir komanda müəyyənləşib.

Apasport.az saytının məlumatına görə, bu, Danimarkanın “Orxus” komandasıdır.

5 qat ölkə çempionu Superliqanın Avropa Liqası üçün pley-off turnirinin qalibi olub. “Orxus” həledici görüşdə “Odense”yə 2:1 hesabı ilə qalib gəlib.

Bu qələbə çempionatı bürünc mükafatla başa vuran komandanı Avropa Liqasına daşıyıb. Orxus şəhərini təmsil edən komanda qitənin ikinci dərəcəli klub turnirinə başlayacağı I təsnifat mərhələsinin püşkü zamanı səpələnmişlər səbətində yer alacaq. Bu isə o deməkdir ki, “Orxus” Azərbaycan klublarından yalnız “Sumqayıt”ın potensial rəqibi sayılır.