13:07 08-08-2020
news_image
1306
TOP OYUNLARI

“Burada xoşbəxtəm” - Polina Rəhimova

“Sesi”də özümü evimdəki kimi hiss edirəm. Rəhbərlik, komanda yoldaşları, azarkeşlər möhtəşəmdir”.

Apasport.az saytının məlumatına görə, bunu Azərbaycan millisinin sabiq voleybolçusu Polina Rəhimova deyib.

Braziliyanın “Sesi” klubu ilə müqaviləsini daha bir mövsümlük uzadan hücumçu Cənubi Amerikada qalmaq istəyinin səbəblərini açıqlayıb: “Digər təkliflərim də var idi. Amma ürəyim “Sesi”də davam etmək istəyirdi. Mən burada xoşbəxtəm. Bu komanda ilə tam mövsümü keçirmək istəyirəm. Ötən mövsümün başa çatmaması üzücü olmuşdu. Bu, yenidən klubda qalmaq istəməyimin səbəblərindən biridir”.

Polina yeni mövsümlə bağlı gözləntilərini də gizlətməyib: “Ötən mövsüm koronavirus pandemiyası üzündən müstəsna idi. Biz mövsümü istədiyimiz kimi başa vura bilmədik. Növbəti mövsümə gəlincə, bizim məşqçi və rəhbərlik düzgün seçim edib. Biz daha güclü olmuşuq. Bütün yarışlarda yaxşı çıxış edə bilərik. Hər şey edəcəyik ki, azarkeşlərimiz razı qalsın”.