16:44 18-08-2020
news_image
104
FUTBOL

Liqa1-in startı ertələndi – koronavirusa görə

Fransa Liqa1-inin 2020/21 mövsümünün start tarixi dəyişdirilib.

Apasport.az saytının məlumatına görə, çempionat öncədən planlaşdırılan 21 avqust tarixində başlamayacaq.

Həmin gün yeni mövsümün açılış matçında “Marsel”lə “Sent-Etyen” qarşılaşmalı idi. Lakin birincilərin 3 üzvündə koronavirus infeksiyasına yoluxma aşkarlandığından, qarşılaşma təxirə salınıb. Həmin matçın sentyabrın 16-da və ya 17-də keçirilməsi planlaşdırılır.

Mövsümün ilk oyunu avqustun 22-də “Bordo” ilə “Nant” arasında olacaq.

Qeyd edək ki, Fransa Liqa1-də 2019/20 mövsümü vaxtından əvvəl başa çatdırılmış, PSJ çempion elan edilmişdi.