13:30 20-08-2020
news_image
198
FUTBOL

Müqavilə bağlayır - İbrahimoviç

“Milan”ın hücumçusu Zlatan İbrahimoviçin komandada qalacağı dəqiqləşib.

Apasport.az saytının məlumatına görə, isveçli forvardın klubla başa çatan müqaviləsinin yenilənməsi qərara alınıb.

Tərəflər arasında bu gün baş tutan görüşdə hərtərəfli razılıq əldə olunub. Bu həftənin sonuna qədər 39 yaşlı oyunçu “rossonyerlər”lə yeni 1 illik sazişə qol çəkəcək.

Qeyd edək ki, Zlatan İbrahimoviç “Milan”a bu ilin əvvəlində “Los-Anceles Qalaksi”dən keçib.