21:17 21-08-2020
news_image
11333
FUTBOL

Çempionlar Liqası matçı ləğv olundu - texniki məğlubiyyət veriləcək

Çempionlar Liqasının I təsnifat mərhələsinin “Klaksvik” (Farer adaları) – “Slovan” (Slovakiya) oyunu baş tutmayacaq.

Apasport.az saytının məlumatına görə, avqustun 19-da keçirilməli olan və bu günə təxirə salınan görüş ləğv olunub.

Slovakiya təmsilçisinin nümayəndəsində koronavirus infeksiyasına yoluxma aşkarlandığından, qarşılaşma bu günə keçirilmiş və komandanın meydana əvəzedici heyətlə çıxmasına icazə verilmişdi. Bu gün isə əvəzedici heyətdəki futbolçulardan birinin testinin pozitiv çıxması UEFA-nı oyunu ləğv etməyə vadar edib.

Qitə futbol qurumu tezliklə yekun qərarını verəcək. Böyük ehtimalla “Slovan”a texniki məğlubiyyət veriləcək və “Klaksvik” II raundda “Yanq Boyz”a (İsveçrə) rəqib olacaq.

Çempionlar Liqası
I təsnifat mərhələsi

21 avqust
20:00. “Klaksvik” (Farer adaları) – “Slovan” (Slovakiya) - təxirə salınıb