10:16 24-08-2020
news_image
62
FUTBOL

Evdə 250-ci qələbə - “Neftçi”dən

“Neftçi” Azərbaycan çempionatlarında 250-ci ev qələbəsini qazanıb. 

Apasport.az-ın PFL-in rəsmi saytına istinadən məlumatına görə, bu, Premyer Liqada 2020/21 mövsümünün I turuna təsadüf edib.

Öz meydanında “Səbail”ə 2:1 hesabı ilə qalib gələn Bakı klubu yubiley qələbəsinə sevinib. 1992-ci ildən keçirilən çempionatlardakı 250-ci uğur 394-cü matçda qeydə alınıb. Paytaxt təmsilçisi yarışın tarixində ən çox ev qələbə qazanan ikinci komandadır. Yalnız “Qarabağ” daha çox – 265 dəfə doğma meydandan qalib ayrılıb.

Qeyd edək ki, “Neftçi”nin Azərbaycan çempionatlarındakı ilk ev qələbəsi 1992-ci il mövsümünə təsadüf edib. “Ağ-qaralar” mayın 8-də Sumqayıt “Xəzər”inə 1:0 hesabı ilə qalib gəlib.