11:07 03-09-2020
news_image
450
FUTBOL

“Qarabağ”ı zəif rəqib sayır – "Dinamo"nun futbolçusu

“İlk klubum olan “Srvena Zvezda” ilə düşməyimizi istəmirdim. Onlarla qrupda qarşılaşmaq əla olar”.

Apasport.az saytının məlumatına görə, bunu Zaqreb “Dinamo”sunun müdafiəçisi Damyan Daniçiç Çempionlar Liqasının III təsnifat və pley-off mərhələsinin püşkatmasını dəyərləndirərkən deyib.

III raundda Macarıstan klubu “Ferensvaroş”la qarşılaşacaq Xorvatiya təmsilçisi qələbə qazanarsa, növbəti mərhələdə “Qarabağ” – “Molde” cütünün qalibi ilə üz-üzə gələcək. 20 yaşlı serbiyalı Daniçiç, xüsusən də, pley-off mərhələsindəki potensial rəqibləri barədə özlərindən əmin şəkildə danışıb: “Adətən, mərhələ adladıqca zəifdən güclüyə doğru gedir. Bizim ilk rəqibimiz çətin oldu. Növbəti mərhələdə də güclü komanda ilə qarşılaşacağıq. Əgər pley-offa vəsiqə qazansaq, orada ən asan variant düşəcək. Ancaq bizim üçün vacib olan özümüzük. Hər şey özümüzdən asılı olacaq”.

Qeyd edək ki, III təsnifat mərhələsinin oyunları sentyabrın 15-16-da keçiriləcək. 22-23 və 29-30 sentyabr tarixlərində isə pley-off matçları baş tutacaq. II təsnifat mərhələsindən mübarizəyə qoşulan "Dinamo" Rumıniya klubu ÇFR-i penaltilər seriyası ilə üstələyib.