11:16 04-09-2020
news_image
143
FUTBOL

Yubiley qələbəsi - Yunis Hüseynovdan

Azərbaycan Premyer Liqasının I turu “Keşlə”nin baş məşqçisi Yunis Hüseynov üçün əlamətdar olub. 

Apasport.az saytının məlumatına görə, paytaxt klubunda debüt edən 45 yaşlı mütəxəssisin yetirmələri səfərdə “Sumqayıt”a 1:0 hesabı ilə qalib gəlib.

Bu, Hüseynovun baş məşqçi kimi ölkə çempionatında yubiley – 80-ci qələbəsi olub. O, buna 221-ci sınağında çatıb. Mütəxəssisin hesabında 56 heç-heçə və 85 məğlubiyyət də var.

Baş məşqçi kimi 2004/05 mövsümündə “Karvan”da debüt edən mütəxəssis qələbələrindən 64-nü Yevlax təmsilçisi ilə qazanıb. Çalışdırıcı “Standard”da 3, “Xəzər Lənkəran”da 11, “Kəpəz”də 1 dəfə qalibiyyət sevinci yaşayıb.

Qeyd edək ki, Hüseynov ölkə çempionatlarında 80 və daha çox qələbə qazanan 10-cu baş məşqçidir.