15:17 06-09-2020
news_image
761
FUTBOL

U-21-in Sumqayıt sınağı – Fransa ilə

21 yaşadək futbolçulardan ibarət Azərbaycan millisi sabah növbəti oyununu keçirəcək.

Apasport.az saytının məlumatına görə, serbiyalı Milan Obradoviçin baş məşqçisi olduğu yığmamız Avropa çempionatının seçmə matçına çıxacaq.

2-ci qrupda yer alan komandamız Fransa ilə görüşəcək. Bu, yığmamızın 2020-ci ildə ilk oyunu olacaq. Koronavirus pandemiyası səbəbindən yığmamız uzun müddət heç bir görüşə çıxmayıb.

Heyətində Avropanın aparıcı klublarının üzvləri olan “üçrənglilər” sentyabrın 4-də Gürcüstanda qələbə qazanıb. Fransalılar qrup qalibi olmaq uğrunda İsveçrə ilə mübarizə aparır. Bu səbəbdən də qonaqlar Sumqayıtdakı matça qələbə iddiası ilə gəlib.

Aktivində 2 qələbə olan Obradioviçin yetirmələri isə 3-cü yer uğrunda mübarizə aparmaq üçün iddialı rəqibini də büdrətməlidir. İsveçrə və Fransa istisna olmaqla digər komandalar turnir cədvəlində sıx qərarlaşıb. Bu, millimizin həm 3-cü, həm də sonuncu olmasının mümkünlüyünə şərait yaradır. Ona görə də yığma üçün hər xal önəmlidir.

Qeyd edək ki, sentyabrın 8-də qrupun daha iki oyunu keçiriləcək. Lixtenşteyn Gürcüstanı, Slovakiya İsveçrəni qəbul edəcək.

U-21-lər arasında Avropa çempionatının seçmə mərhələsi
2-ci qrup
7 sentyabr
21:00. Azərbaycan - Fransa

Hakimlər: Halis Özkahya, Kerem Ersoy, Serkan Olguncan, Alper Ulusoy (hamısı Türkiyə)
Sumqayıt. “Kapital Bank Arena”

1

İsveçrə

5

5

0

0

15-3

15

2

Fransa

5

4

0

1

16-8

12

3

Gürcüstan

6

2

0

4

12-10

6

4

Slovakiya

5

2

0

3

12-15

6

5

Azərbaycan

6

2

0

4

3-11

6

6

Lixtenşteyn

5

1

0

4

3-14

3