10:05 08-09-2020
news_image
532
TOP OYUNLARI

Macarıstan klubunda - yığmamızın voleybolçusu

Qadınlardan ibarət Azərbaycan millisinin voleybolçusu Anastasiya Bessonovanın yeni klubu bəlli olub.

Apasport.az saytının məlumatına görə, 21 yaşlı gənc voleybolçu karyerasını Macarıstanda davam etdirəcək.

Hücumçu mövqeyində çıxış edən Anastasiya “Bekeşçaba” ilə müqavilə imzalayıb. O, yeni komandası ilə bir mövsümlük anlaşıb. Bessonova 2020/21 mövsümündə Macarıstan təmsilçisinin şərəfini qoruyacaq.

Qeyd edək ki, voleybolçumuz iki ay öncə “Azərreyl”lə müqavilə imzalamışdı. Lakin avrokuboklarda oynamaqdan imtina edən Bakı klubu əksər oyunçuları ilə yollarını ayırmaq məcburiyyətində qalıb. Təmsilçimizlə anlaşmasını qarşılıqlı razılaşma ilə pozduqdan sonra Anastasiya Macarıstan variantına üstünlük verib.