16:59 14-09-2020
news_image
371
FUTBOL

“Qarabağ” üçün yeni tarix - “Neftçi”yə uğursuz gün

Bu həftə Azərbaycan klublarının iştirakı ilə növbəti avrokubok oyunları keçiriləcək.

Apasport.az saytının məlumatına görə, Çempionlar Liqasında oynayan “Qarabağ” III təsnifat mərhələsinin matçında “Molde” ilə üz-üzə gələcək.

Norveç təmsilçisi ilə qarşılaşma sentyabrın 16-da baş tutacaq. Avrokuboklarda ilk dəfə Azərbaycan klubu bu tarixdə meydana çıxacaq.

Ertəsi gün “Neftçi” Avropa Liqasının II təsnifat mərhələsində Türkiyə “Qalatasaray”ı ilə görüşəcək. Klublarımız sentyabrın 17-də iki oyun keçirsə də qalib gəlməyib.

2015/16 mövsümündə Avropa Liqasının qrupunda “Qəbələ” evdə Yunanıstan PAOK-u ilə qolsuz heç-heçə edib. Həmin gün “Qarabağ” İngiltərədə “Tottenhem”ə 1:3 hesabı ilə uduzub.