12:16 16-09-2020
news_image
113
FUTBOL

Qələbə və qol həsrətində olan "Qalatasaray" - Terimin 79-cu dueli

“Qalatasaray”ın baş məşqçisi Fatih Terim avrokuboklarda qələbə sayını məğlubiyyətlə bərabərləşdirə bilər.

Apasport.az saytının məlumatına görə, Avropa Liqasının II təsnifat mərhələsində “Neftçi” ilə keçiriləcək görüş təcrübəli mütəxəssisin “cim-bom”un sükanı arxasında 79-cu matçı olacaq.

İndiyə qədər “sarı-qırmızılılar” onun rəhbərliyi altında meydana çıxdığı 78 matçın 30-da qələbə qazanıb, 31-də məğlub olub. 17 qarşılaşmada isə heç-heçə qeydə alınıb.

Bundan başqa, "cim-bom" Avropa arenasında səfərdə keçirdiyi son 8 görüşdə qol üzünə həsrət qalıb. Komanda, ümumilikdə son 13 görüşdə qələbə qazana bilməyib.

Qeyd edək ki, sabah BOS-da keçiriləcək “Neftçi” – “Qalatasaray” oyunu saat 20:00-da start götürəcək.