16:03 21-09-2020
news_image
298
STOLÜSTÜ OYUNLAR

Naydiç və Məmmədyarov medalçılar sırasında – Almaniya çempionatında

Şahmat üzrə komandalararası Almaniya çempionatı başa çatıb.

Apasport.az saytının məlumatına görə, Karlsrue şəhərində təşkil olunan yarış 7 turdan ibarət olub. 

Azərbaycan qrossmeysterləri Şəhriyar Məmmədyarovla Arkadi Naydiç də yarışın iştirakçıları sırasında yer alıb. Şəhriyar “Vernheym”, Arkadi isə “Baden-Baden”in şərəfini qoruyub.

Çempionluğun taleyi bu iki komandanın son turdakı görüşündə həll olunub. 4,5:3,5 hesabı ilə qalib gələn “Baden-Baden” son illərdə qazandığı çempionluqları davam etdirib. Arkadi komandası ilə birlikdə qızıl medal qazanıbsa, Şəhriyar “Vernheym”lə birlikdə gümüşə yiyələnib.