00:20 25-09-2020
news_image
129
FUTBOL

“Qarabağ” Polşaya gedir – “Legiya” ilə oyuna

Avrokuboklarda mübarizəni davam etdirən yeganə Azərbaycan klubu “Qarabağ”ın növbəti rəqibi müəyyənləşib.

Apasport.az saytının məlumatına görə, Azərbaycan çempionu Avropa Liqasının pley-offunda Polşa təmsilçisi “Legiya” ilə qarşılaşacaq.

Bu, III təsnifat mərhələsinin az əvvəl başa çatan “Legiya” – “Drita” matçından sonra dəqiqləşib. Kosovo təmsilçisi ilə görüşdə 2:0 hesablı qələbə qazanan Polşa çempionu pley-offa yüksəlib.

“Legiya” – “Qarabağ” matçı oktyabrın 1-də baş tutacaq. Bir oyundan ibarət mərhələnin qarşılaşması Polşada keçiriləcək.

Avropa Liqası
III təsnifat mərhələsi
24 sentyabr
22:30. “Legiya” (Polşa) – “Drita” (Kosovo) – 2:0

Vazolek, 24, Pekhart, 43