15:57
“Bizi Azərbaycan yığması kimi güclü rəqib gözləyir”.
Apasport.az saytının məlumatına görə, bunu Slovakiya U-21 millisinin baş məşqçisi Yaroslav Kentoş deyib.
Mütəxəssis Avropa çempionatının seçmə mərhələsinin Azərbaycanla oktyabrın 8-də keçiriləcək matçı barədə fikirlərini açıqlayıb. Kentoş millimizin güclü rəqib olduğunu bildirib: “Bu komanda müdafiədə çox yaxşı təşkil olunub. Azərbaycan millisinin hücumda bacarıqlı futbolçuları var. Onlar topla yaxşı oynayır, həmçinin digər fərdi texniki keyfiyyətlərə malikdir”.
Qeyd edək ki, oktyabrın 8-də baş tutacaq Slovakiya – Azərbaycan matçı Bakı vaxtı ilə saat 18:30-da başlayacaq.
