13:00 12-10-2020
news_image
110
FUTBOL

Rekorda 2 addımı qaldı – “Skuadra Adzurra”nın

İtaliya yığması Millətlər Liqasının qrup mərhələsi çərçivəsində Polşa ilə qolsuz bərabərə qalıb.

Apasport.az saytının məlumatına görə, “Skuadra Adzurra” bununla məğlubiyyətsiz oyunlar seriyasını 15-ə yüksəldib.

Roberto Mançininin yetirmələri son iki ildə keçirdiyi 15 matçın 12-də qələbə qazanıb, 3-də rəqibi ilə sülh bağlayıb. Bu, İtaliya millisinin ikinci ən uzun seriyalı məğlubiyyətsizliyidir. Komanda 1997-1999-cu illərdə 17 görüşdə uduzmayaraq rekorda imza atıb. Daha 2 qarşılaşmada bu seriyanı davam etdirmək mümkün olsa, rekord təkrarlanacaq.

Qeyd edək ki, İtaliya yığması sonuncu dəfə 2018-ci ilin sentyabrında Portuqaliyaya 0:1 hesabı ilə yenilib.