12:36 03-11-2020
news_image
73
FUTBOL

Qələbə olmayacaq? - “Sivasspor”la oyunda

Avropa Liqasının III turunda Türkiyənin “Sivasspor” klubu ilə qarşılaşacaq Azərbaycan çempionu “Qarabağ” tarixində ikinci dəfə avrokubok matçını noyabrın 5-də keçirəcək.

Apasport.az saytının məlumatına görə, Ağdam təmsilçisi 5 il əvvəl də qrup mərhələsinin oyununu eyni tarixdə keçirib.

Həmin vaxt Qurban Qurbanovun yetirmələri “Monako”nu qəbul edib. Bakıda baş tutan görüşdə qollu heç-heçə qeydə alınıb – 1:1.

Azərbaycan klubunun qoluna Samuel Armenteros imza atıb. O, 39-cu dəqiqədə hesabı açsa da, ikinci hissədə buraxılan qol “Qarabağ”ı qələbədən edib.

Ümumilikdə isə təmsilçilərimiz bu tarixdə 3-cü matçına çıxacaq. 5 il öncə eyni gündə daha bir Azərbaycan komandası meydana çıxıb. Dortmundda “Borussiya”nın qonağı olan “Qəbələ” 4 cavabsız qol buraxıb.

Qeyd edək ki, I qrupunun III turunun “Sivasspor” – “Qarabağ” matçı Bakı vaxtı ilə saat 21:55-də başlayacaq.