10:34 24-11-2020
news_image
100
FUTBOL

Kapitanını itirdi – “Qarabağ”ın rəqibi

“Qarabağ”ın Avropa Liqasının qrup mərhələsindəki rəqiblərindən “Vilyarreal” daha bir itki ilə üzləşib.

Apasport.az saytının məlumatına görə, İspaniya klubunun kapitanı Mario Qaspar sıradan çıxıb.

La Liqanın X turunda “Real”la matçın son dəqiqələrində zədələnərək əvəzlənən sağ cinah müdafiəçisi məşqdə də yüngül xəsarət alıb. Oyunçunun durumu hələlik qeyri-müəyyəndir. 30 yaşlı futbolçunun noyabrın 26-da Avropa Liqasının IV turu çərçivəsində İsrail “Makkabi”si (Təl-Əviv) ilə qarşılaşmada iştirakı sual altındadır.

Qeyd edək ki, “Vilyarreal”ın hücumçusu Pako Alkaser zədə səbəbindən “Real”la görüşü buraxıb.