10:46 25-11-2020
news_image
101
FUTBOL

2 futbolçusunu itirdi – “Mançester Yunayted”

Çempionlar Liqasının qrup mərhələsində Türkiyə təmsilçisi “Başakşəhər” üzərində böyükhesablı (4:1) qələbə qazanan İngiltərə klubu “Mançester Yunayted” iki itki ilə üzləşib.

Apasport.az xəbər verir ki, bu barədə “qırmızı şeytanlar”ın baş məşqçisi Ole-Qunnar Sulşer məlumat verib.

Norveçli mütəxəssis bildirib ki, müdafiəçilər Viktor Lindelöf və Aaron van-Bissaka Türkiyə çempionuna qarşı görüşdə zədələnib. Bu üzdən Lindelöf fasilədən dərhal sonra, van-Bissaka isə 59-cu dəqiqədə əvəzlənib. Baş məşqçi hər iki oyunçunun durumuna tibbi müayinədən sonra aydınlıq gələcəyini söyləyib.

Qeyd edək ki, 4 turdan sonra “Mançester Yunayted” 9 xalla qrupa başçılıq edir.