14:22 03-12-2020
news_image
131
FUTBOL

Avropa Liqasını aşağıladı - Neymar

Bu gün qrup mərhələsinin V turunun oyunları keçiriləcək Avropa Liqası növbəti dəfə aşağılanıb.

Apasport.az saytının məlumatına görə, əksər aparıcı klubların barmaqarası yanaşdığı turnirə Neymar da yaxşı baxmır.

Çempionlar Liqasında mübarizə aparan PSJ-nin VI tur ərəfəsindəki perspektivini dəyərləndirən braziliyalı hücumçu 3-cü yerin sahibi kimi Avropa Liqasına yuvarlanmağı özünə sığışdırmadığını gizlətməyib: “Mən PSJ-yə ona görə gəlməmişəm ki, Avropa Liqasında oynayım”.

Qeyd edək ki, H qrupunda son tur öncəsi üç komanda – “Mançester Yunayted”, PSJ və “Leypsiq”in 9 xalı var. Son turda “Başakşəhər”lə qarşılaşacaq parislilər 1/8 finala yüksəlmək üçün ən azı 1 xal qazanmalı, ya da uduzsa, digər görüşün heç-heçə bitməməsini arzulamalıdır.