11:47 06-12-2020
news_image
80
FUTBOL

Mbappe ilə yeni müqaviləyə çalışır - PSJ

Fransanın PSJ klubu hücumçusu Kilian Mbappe ilə yeni müqavilə bağlamağa çalışır.

Apasport.az saytının məlumatına görə, klubun idman direktoru Leonardo tərəflər arasında danışıqların davam etdiyini söyləyib.

Leonardonun sözlərinə görə, bu məsələdə müəyyən məsafə qət edə biliblər: “Danışıqlar davam edir. Klub dialoq istəyir və məncə, Mbappe də bunu istəyir. Gələcəyi barədə daha aydın təsəvvür əldə etməyin vaxtı gəldi. Sakit şəkildə danışırıq, hər şey yaxşı gedir. 10 gün əvvəllə müqayisədə bir neçə addım atmışıq”.

Qeyd edək ki, PSJ-yə 2017-ci ildə “Monako”dan keçən Kilian Mbappenin müqavilə müddəti 2022-ci ilin yayına qədərdir.