00:11 12-12-2020
news_image
98
FUTBOL

Daha bir koronavirusa yoluxma - “Beşiktaş”da

Türkiyənin “Beşiktaş” klubunda növbəti koronavirusa yoluxma qeydə alınıb.

Apasport.az saytının məlumatına görə, Super Liqanın XII turunun “Alanyaspor”la dekabrın 13-də keçiriləcək oyunu ərəfəsində test verən İstanbul klubunda bir futbolçuda infeksiya aşkarlanıb.

Testi müsbət nəticə verən oyunçunun adı açıqlanmır. Klubun yaydığı açıqlamada bildirilir ki, bu futbolçu karantinə alınıb və bütün protokol qaydalarına əməl olunur.

Qeyd edək ki, cari mövsümdə “Beşiktaş”ın 10 futbolçusu, həmçinin prezidenti Ahmet Nur Çebi və baş məşqçisi Sərgən Yalçın da infeksiyaya yoluxub.