09:06 24-12-2020
news_image
111
FUTBOL

Bir ildə 108 qol - rekord təkrarlandı

İtaliya A seriyasının XIV turunda “Verona” ilə qarşılaşan “İnter” 2:1 hesablı qələbə qazanıb.

Apasport.az saytının məlumatına görə, bu görüş “neradzurra” üçün əlamətdar olub.

Komanda bir təqvim ilində qol rekordunu təkrarlayıb. Antonio Kontenin yetirmələri 2020-ci ildə vurduğu ümumi qol sayını 108-ə çatdırmaqla buna nail olub. Milanlılar 1961 və 2001-ci ildə də eyni sayda qol vurub. Ancaq rekordu yeniləmək mümkün olmayacaq. Çünki komanda növbəti oyununu 2021-ci il yanvarın 3-də “Krotone”yə qarşı keçirəcək.

Qeyd edək ki, “İnter” hazırda 33 xalla turnir cədvəlinin 2-ci pilləsində qərarlaşıb.